Imanol Landaren bloga

70.000€ Gizarte Zerbitzuen 54 Erakunde Laguntzaileren artean

Egilea: Imanol Landa. 2010/08/05. Ordua: 10:28 AM.

Iruzkinak: 0

Getxoko Udalak 70.000 euro banatuko ditu Gizarte Zerbitzuen 54 Erakunde Laguntzaileren artean, iaz baino 20 gehiagoren artean hain zuzen ere. Gizarte Zerbitzuen Erakunde Laguntzaileak erakunde publiko zein pribatuak dira, irabaz asmorik gabekoak, eta horien helburu nagusia bat dator Getxoko Udaleko Gizarte Zerbitzuen Arlokoarekin.

Helburuak honako hauek dira: arazoak konpontzeko gizarte zibilaren parte hartzea bultzatzea; udalerrian dagoen elkarteen sarea bultzatzea; gizarteko boluntario-lana bultzatzea eta Gizarte Zerbitzuen alorreko jardueren garapenera zuzendutako proiektuak diruz laguntzea. Helburu horiek lortzeko hainbat jarduera antolatzen dituzte, tartean baztertutako kolektiboak gizarteratzea eta bazterketa prebenitzea, eta minus-balioa edo bestelako arazoak dituzten pertsonen bizi-baldintzak hobetzea, Udalak egiten duen lanaren osagarria dira horiek eta horregatik elkarteak indartzeko dugun apustu garbia mantentzen dugu.

Gorabide, buru ezintasuna duten pertsonen aldeko Bizkaiko Elkarteak 5.700€ jasoko ditu; FEKOOR, ezintasun fisikoko pertsonen aldeko Bizkaiko Federazio Koordinatzaileak 4.300€; minbiziaren kontrako elkarteak 3.700€; Berdintasuna, etorkin atzerritarrak gizarteratzearen aldeko elkarteak eta GIZAKIA Fundazioak 3.500€ hurrenez hurren; Filipinetako elkarteak 3.100€; AVIFES, buru gaixoen eta senideen Bizkaiko elkarteak 2.800€; EGINTZA, adin txikikoa babesteko elkarteak 2700€; SENDIA familiaren aldeko euskal Elkarteak eta ASPANOVAS, minbizia duten umeen gurasoen Bizkaiko elkarteak 2.500€ bana; APSORIASIS elkarteak 2.200€, AHIDA ume hiperaktiboen familien elkarteak , euskal eta arabiar emakumeen elkarteak eta Harresiak Apurtuz etorkinen aldeko elkarteen Koordinadorak 2000€ bana. Gainontzeko elkarteek, horien artean, ACAMBIk, Uribe Aldeko Gurutz Gorriak, Beato Domingo Iturrate Fundazioak, Ereaga Fundazioak edo SOS Arrazakeria taldeek 600 eta 1.700 euroen arteko diru-laguntza jasoko dute.

Partekatu

Labels: diru-laguntzak, Folk Getxo BBK jaialdia, getxoblog, Gizarte Zerbitzuek

Gora Nafarroa oinezeko lipduba!

Egilea: Imanol Landa. 2010/08/04. Ordua: 7:44 AM.

Iruzkinak: 0

Urriaren 17an danok Atarrabiara!!

Labels: euskara, ikastolak, nafarroa, nafarroa oinez

371.000€ lankidetzako, sentsibilizazio eta giza ekintzako hainbat proiekturen artean banatzeko

Egilea: Imanol Landa. 2010/08/03. Ordua: 11:17 AM.

Iruzkinak: 0

Getxoko Udalak aurten 371.000€ zuzenduko ditu lankidetzako, sentsibilizazioko, garapenerako hezkuntzako eta giza ekintzako hainbat proiektutara. Bai Hegoaldeko herrialdetan proiektu batzuekin elkarlana egiten bai gure udalerrian hainbat ekimenen bidez giza garapena bultzatzea da gure politikaren bitartez lortu nahi dugun helburua.

Ildo horretan, garapeneko 14 proiekturen artean Udalak 317.000€ banatuko ditu. Horien artean 38.000€ San Martin de Tours & Correo Misionero elkarteko misioen taldearentzat, izango da Kongoko Errepublika Demokratikoko Kansenian eskolaratze proiektu bat aurrera eramateko; 29.000€ bai Zabalketa elkartearentzat Kolonbian arreta osoko egitasmo baterako bai Medicus Mundi Bizkaia erakundearentzat Guatemalan sexu osasuna bultzatzeko ekimenerako. Nazioarte Elkartasuna izeneko taldeak diru kopuru berbera jasoko du Guatemalan ere saneamendua hobetzeko proiektu bat aurrera eramateko. 28.000€ko diru-laguntza bana jasoko dute Lagun Artean, Emaús eta Mugarik gabeko Heziketa elkarteek Guatemalan, Bolibian eta El Salbadorren hurrenez hurren aritzeko. Gainontzeko subentzioak heziketako, osasun arretako edo herritarren partaidetzako plangintzetarako proiektuak hainbat tokitan, tartean Perun, Palestinan edo saharar errefuxiatuen kanpamentuetan bideratzeko izango dira.

Bestalde, Sentsibilizazio eta Garapenerako Hezkuntzako alorrean 53.000€ honako lau GKEE hauen artean banatuko ditu Udalak: Unesco Etxea elkartearentzat 16.302€ izango dira; Zabaldu Mundura taldearentzat 15.152€; Emaús Giza Fundazioarentzat 12.345€ eta Mugarik Gabeko Heziketa GKErentzat 9.200€.

Azkenik, Giza Ekintzako kapituluan ACOBI elkarteak 900€ eskuratuko ditu Txernobileko erradiazioak kaltetutako Bielorrusiako haurrak hartzeko eta BIKARTEk beste 300€ baztertutako egoeran dauden adin gutxikoak hartzeko.

Labels: dirulaguntzak, garapena, Getxo, gtexoblog, lankidetza

"Getxoko Falangeak" deituriko taldearen mehatxuak zalatzen eta gaitzesten

Egilea: Imanol Landa. 2010/07/23. Ordua: 11:51 AM.

Iruzkinak: 0

Gaur, publikoki "Getxoko Falangeak" deituriko taldeak, Branka Kultur Elkarteak Romon duen lokalean utzitako mehatzuak zalatu eta gaitzestu ditut.

Gogorarazi nahi dizuet Branka Kultur elkartearen egoitzaren atean, astelehen honetan burua moztuta zuen oilo bat jarrita agertu zen mezu mehatzaile batekin.

Bortzakeria eta ekintza mehatzaileak beti gaitzestu ditut, egileak nortzuk diren alde batera utzita. Are gehiago ikusita azken bolada honetan ultraeskuindar taldeak horrelako ekintzak aurrera eramaten ari direla, Euskadin zehar eta baita Getxon ere.

Alde horretatik beraz, gogoratu nahiko nuke, 2009-ko urrian, horrelako jarrerak zalatu eta gaitzesteko, osoko bilkuran mozioa aurkeztu genuela eta aho batez onetsita izan zela.

Hona emen, bere momentuan blogean zintzilikatu nuen posta, mozioaren testua azalduz:

Ultraeskuindiar espainarraren ekintzak salatu eta gaitzezten ditugu Getxon

Labels: Falangea, Getxo ultraeskuindiar espainiarra

Hego Euskal Herriko 6 Udal handienen gardentasun rankinga

Egilea: Imanol Landa. 2010/07/22. Ordua: 11:34 AM.

Iruzkinak: 0

Sustatu

Espainiar Estatuko 110 hiri handienak aztertu ditu Transparency International España (TI) ustelkeriaren kontrako elkarteak. Zerrenda horretan daude Hego Euskal Herriko 6 hiri, argitaratu duten Udal gardenenen zerrendan ordena honetan: Bilbo, Getxo, Gasteiz, Barakaldo, Iruñea eta Donostia.
Sarrerako taulan ikusten da zenbat puntu lortu dituen zerrenda horretan dagoen Hego Euskal Herriko Udal bakoitzak. Beste modu batean, 6 Udal horien rankinga, eta bakoitza Estatu mailan zein postutan dagoen TIren arabera:

1. Bilbo, 100 pt. 1. postua espainiar Estatuan.
2. Getxo, 92,5 pt. 14. postua espainiar Estatuan.
3. Gasteiz, 87,5 pt. 24. postua espainiar Estatuan.
4. Barakaldo, 85 pt. 31. postua espainiar Estatuan.
5. Iruña, 66,3 pt. 63. postua espainiar Estatuan.
6. Donostia, 48,8 pt. 92. postua espainiar Estatuan.

Informazio gehiago hemen eta hemen.

Labels: gardentasuna, sustatu, transparency international

Getxophoto 2010: aisiari gorazarre

Egilea: Imanol Landa. 2010/07/20. Ordua: 12:48 PM.

Iruzkinak: 0

Labels: aisiari gorazarre, Getxo, getxoblog, GETXOPHOTO, Jokin Aspuru, kultura, TB

Bob Marleyren taldea gure artean Getxon!

Egilea: Imanol Landa. 2010/07/16. Ordua: 11:14 AM.

Iruzkinak: 0

Hiru euskal talde elkartuko dira oso estilo ezberdinez gozatu ahal izango dugun kontzertua eskaintzeko. The Uski’s boskoteak surf musika dantzagarria hurbil-duko digu; Betagarri Gasteizko taldeak ska musika eta festako kantak eta Amaiur taldeak, azkenik, ins-trumentu tradizional eta modernoen soinuak, jai giroko nahasketan uztarturik.

Bob Marleyren talde legendarioa Getxora iritsi da bere munduko biraren erdian. Honen bidez bere sorreraren 40. urteurrena ospatzen dute. “Reggaeren erregeak” guztiz berritutako talde batekin iritsi dira abesti berriak eta kanta klasikoak interpretatzeko, hala nola “I Shot The Sheriff”, “No Woman No Cry”, “Exodus”, “One Love”... Hauen aurretik bertako Sweet Oblivion taldea arituko da.

Labels: Getxo, getxo sound, getxoblog, musika, pop-rock

Gizarteko, iraunkortasuneko eta 2.0 plataformetako berrikuntza-proiektuen kudeatzailea

Egilea: Imanol Landa. . Ordua: 10:53 AM.

Iruzkinak: 0

Getxoko Udalak, Getxolan, “Getxolan-Ekonomia Sustapenerako eta Enplegu Zerbitzu”en bitartez "Gizarteko, iraunkortasuneko eta 2.0 plataformetako berrikuntza-proiektuen kudeatzailea" izateko ikastaroa antolatu du, udalerriko langabeen lan munduratzea, arreta berezia emanaz lana eskuratzeko zailtasunak dituzten pertsonei, zuzenduta.

Ekimena, garatzen ari den “Getxo Lan In” proiektuaren barruan kokatzen da, Europako Gizarte Funtsak subentzionatuta eta Lurralde Politiken Ministerioak kudeatuta eta, gutxienez, parte-hartzaileen %60 kontratatzeko konpromisoa aurreikusten du.

Ikastaroan izena emateko epea irailaren 8ra arte egongo da zabalik. Informazio gehiago:
“Getxolan”en, Algortako San Martín kalean, 17garrenean.
Tel: 94 466 01 40
www.getxo.net/getxolan

PDF fitxategiaren deskarga Getxo Antzokiko informazio guztiarekin 5.

Labels: berrikuntza, getxoblog, getxolan, langabetuak

Getxo Antzokitik berriak 5

Egilea: Imanol Landa. 2010/07/09. Ordua: 10:01 AM.

Iruzkinak: 0

PDF fitxategiaren deskarga Getxo Antzokiko informazio guztiarekin 5.

Labels: berriak, Getxo, Getxo Antzokia, getxoblog

19.000€ berdintasunaren alde lan egiten duten elkarte getxoztarren artean

Egilea: Imanol Landa. 2010/06/30. Ordua: 12:56 PM.

Iruzkinak: 0

Azken Toki Gobernu Batzarraren bitartez eta urteroko diru-aguntzen deialdiaren barruan, udalerriko lau elkarteren artean ia 19.000€ banatzea onartu dugu. Deialdiaren helburua emakumeen parte hartze politiko eta soziala errazten duten programak eta proiektuak garatzea da eta baita udalerrian gizonen eta emakumeen berdintasuna bultzatzen dutenak ere.

Hain zuzen ere, Eskuz-Esku elkarteak 5.293 jasoko ditu, Historia, Filosofia, Literatura eta Aro Modernoko Arteari buruzko jarduera batzuk antolatzeko eta baita gorputzeko garapen eta adierazpenari eta diseinu grafikoari buruzkoa ere. Bestalde, Berdintasuna taldeak 4.515€ lortuko ditu Harremanak sortzeari buruzko Tailerra martxan jartzeko, alegia, emakumeen jabekuntza sendotzeko eta beste bat gizonezkoei zuzenduta ere, generoari buruzko sentsibilizazioa eta lanen banaketa lantzeko. Hirugarrenez, Roda elkarteak 4.460€ edukiko ditu zaintzaileak zaintzeko jarduerak bideratzeko, eta azkenik, Andrak elkarteak 4.446 euroko diru-laguntza Kinesiologia-musikoterapia alorrean erabiliko du.

Urtero diru-laguntzen deialdian honako hauek hartu ahal dute parte: dirua irabazteko asmorik gabeko erakundeek, nortasun juridikoarekin, Getxon egoitza soziala izanda, emakumeek osatuta eta Eusko Jaurlaritzaren Elkarteen erregistroan eta Getxoko Erakundeen Udal Erregistroan izena emanda. Era berean, nortasun juridikorik izan ez arren egoitza soziala Getxon duten pertsona fisikoek edo juridikoek ere eskatu ahal izango dute.

Labels: berdintasuna, emakumeen elkarteak

Krakena Getxon!!

Egilea: Imanol Landa. 2010/06/22. Ordua: 5:55 PM.

Iruzkinak: 0

Ikusgarria benetan, gaur goizean kirol portuan zabaldu dugun "Kraken" edo txibio erraldoiari buruzko erakusketa. Lauren zinemen atarian antolatuta dago erakusketa eta bertan bi ale izugarriak ikus daitezke.

Merezi du benetan bertara hurbiltzea ikusteko zuzenean literatura eta zinemaren itsas-mito hau egiazkoa dela eta ez irudimenak asmatutako gauza.

Are gehiago, erakusketarekin ez baduzu nahiko, larunbata honetan, bertan Angel Guerra, krakenetan espezializatua dugun aditua entzuteko aukera edukiko duzu, dokumentala ikusi ondoren. Dena dohainik gainera.

Etorri beraz Getxora, eta gozatu gurekin!

Labels: erakusketa, Getxo, Getxo sea week, getxoblog, kraken, TB, txibia erraldoia